Әлеуметтік жағдайы төмен, мүмкіндігі шектеулі және асыраушысы жоқ жандардың аз да болса көңілін көтеріп, оларға көмек қолын созу мақсатында ұйымдастырылған шараны мешіттің Бас имамы Батыржан Берденұлы ашып, Мәуліт айының қадыр-қасиеті, қасиетті айда жасалатын құлшылықтар жайлы аз-кем уағыз-насихат айтты.

«Мешіт – Алланың үйі. Ардақты Пайғамбарымыздың (оған Алланың игілігі мен сәлемі болсын) үмбетіне сүннет болған ілім ордасы. Тәлім-тәрбие ошағы. Сондықтан мешіттерімізден ізгілік іздеп, қайырымдылық күткен амал-ниеттеріңізді Алла Тағала сауаптан жазсын! Мәуліт мерекесінде Пайғамбарымызды (оған Алланың игілігі мен сәлемі болсын) ұлықтап, салауат айту – баршамызға ортақ мұсылмандық міндет. Осы дәстүрді ұрпағымызға өсиет етіп, Пайғамбарымыздың (оған Алланың игілігі мен сәлемі болсын) өнегелі өмірін жете тануға ұмтылу – ұлттық тұтастығымыздың кепілі. Бірлік-берекенің бастауы», – деді Бас имам.

Айта кету керек, игі шара барысында 30-ға жуық отбасыға азық-түлік пакеттері таратылды.

Гүлбану Нұрымқызы,

«Иманғали» орталық мешітінің баспасөз қызметі