Маңғыстау облыстық мешітінің жанындағы Қайырымдылық мекемесінде өңір имамдарына арналған «Деструктивті діни ағымдардан зардап шеккен тұлғаларға оңалту жұмыстарын жүргізу, ақпараттық түсіндіру топтары жұмысының тиімділігін арттыру» атты екі күндік семинар болып өтті.  Облыстық дін істер басқармасының тапсырмасымен «Асар» ақпараттық –талдау орталығы  ұйымдастырған шараға аймақ мешіттеріндегі 24 имам қатысып, біліктіліктерін арттырды.

Имамдарды оқыту семинарында теолог мамандар Аюб Қалымет пен Юнус Асга дәріс жүргізді. Олар Мұхаммад ибн Абдул Уахабтың кітабында кеткен қателіктерді түсіндіріп,  Әбу Ханифаның дәлел дәйектерімен таныстырды.

Шара соңында қатысушы имамдардың барлығына семинар тренингтен өткендігі  туралы  сертификат берілді.

Маңғыстау облыстық орталық мешітінің баспасөз қызметі