Ақ дастархан басында жамағаттың басын қосқан келелі кеңесті ҚМДБ-ның Атырау өңірі бойынша өкілі, «Иманғали» орталық мешітінің бас имамы Батыржан Берденұлы ашып, облысымызға арнайы шақыртумен облыстық дін саласына қызметке келіп жатқан теолог Батырбек Убаевты көпшілік қауымға таныстырды.

Дін саласының білгір маманы Б.Убаев ібілістің адамзат тарихында алар орнына тоқтала келе, оның қияметке дейін созылар жау пиғылын сипаттап берді. «Шайтанның басты мақсаты – бізді Алла тағаланың разылығынан алыстатып,  тура жолдан тайдыру. Қоғамда бүлік тудырып, айрандай ұйыған елді бірлік пен берекеден айыру. Ата салтымызға жат, теріс әрекетке себепші болу. Қазіргі кезеңде көшемізді жайлаған барша имансыздықтың бастауы – осы ібіліс-шайтанның азғыруынан болып жатқан дүние. Сондықтан да одан   сақтанып, қорғанудың қажеттілігі зор. Дініміз де осыны мақұлдайды», – деді ол өз сөзінде.

Жиын соңында теолог жамағат тарапынан қойылған сұрақтарға жауап беріп, еркін пікір алмасылды.

«Иманғали» орталық мешітінің 

баспасөз қызметі