ДІНИ МЕРЕКЕЛЕР 
06.12.2016
3659
0 пікір
5 желтоқсан күні Жамбыл облысының рухани жүрегі болған орталық «Һибатулла Тарази» мешітінде қала, аудан имамдарының қорытынды есебі өтті.
Имамдар ҚМДБ бекіткен бағыттар бойынша жыл бойы атқарған жұмыстарының есебін баяндады. Бақылау-басқару, уағыз-насихат жұмыстары, діни ағартушылық саласы мен теріс ағымдармен жұмыс, қайырымдылық шаралары бойынша жүргізілген жұмыстар нәтижесін мешіт имамдары арнайы бейнеролик арқылы ұсынып, қойылған сұрақтарға жауап берді.
Бір күнге созылған жиынға ҚМДБ-ның Жамбыл облысы бойынша өкіл имамы Данияр қажы Жұмабаев пен облыстық мешіттің қызметкерлері қатысты. Мәжілісте әр сала бойынша сын-ескертпелер мен жетістіктер, ұсыныстар ортаға салынды. Мешіттерді құжаттандыру, газет-журналдарға жазылу, кадр мәселесі, имамдар семинары сынды жайтар да талқыланды.
Дін қызметкерлерінің жұмыстарының есебін тыңдаған өкіл имам баршаға табыс тіледі.
Ақерке БЕКҚҰЛОВА,
«Һибатулла Тарази» мешітінің баспасөз қызметі
+7 7172 999 866
Астана қаласы, Қарасаз к-сi, 3
Пікірлер (0)
Тіркелген қолданушылар ғана пікір қалдыра алады. Сайтқа кіру