ҚМДБ-ның Қызылорда облысы бойынша өкілдігінің  мұрындық болуымен ҚМДБ-ның жалпы және жастармен жұмыс бөлімінің меңгерушісі – Алтынбек Ұтысханұлы Сыр елінде іс-сапарда болды.

Іс-сапар аясында Алтынбек Ұтысханұлы бірнеше мекемелерде жастармен кездесу өткізіп, орталық «Ақмешіт Сырдария» мешітінде уағыз-насихат жүргізді.

Қаладағы «Жастар ресурстық орталығы» КММ-де Алтынбек Ұтысханұлы қыз балалармен кездесуге қатысты. Келелі кездесуде Ислам дінініндегі әйелдің орны туралы насихат айтылды.

Ал, ҚМДБ-ның Қызылорда облысы бойынша өкілі, орталық «Ақмешіт-Сырдария» мешітінің бас имамы Омаров Талғат Сейіткәрімұлы облысымызда әйел жамағаттармен жүргізілген шараларға тоқталды.

Кездесуде қатысушылар көкейлеріндегі сауалдарын қойып, жауаптар алды.

Одан бөлек А.Ұтысханұлы жергілікті «Қазақстан-Қызылорда» телеарнасында болып, «Дін мен Діл» бағдарламасына қатысып, сұқбат берді.

Қызылорда облыстық «Ақмешіт-Сырдария»

 мешітінің баспасөз қызметі