«Ақсу ауылдық мешіті»

 Шал ақын ауданы Ақсу ауылында ірге көтерген. Бұл ауылда 1926 жылы салынған мешіт ескіріп, осы уақытқа дейін мұсылмандардың ғибадат ететін орны болмай келген еді. Қуаныш Беркімбаев ақсақалдың ұйымдастыруымен 1,5 миллион теңге жиналды.  Жалпы құрылысқа жұмсалған қаржыны бүкіл ауыл тұрғындары мен шетте жүрген сол ауылдан шыққан азаматтар жинады. Мешіт құрылысы 2009 жылы басталып, 2010 жылы пайдалануға берілді. Құрылыс жұмыстарын ауыл намазхандары асарлатып жүргізді. Ғимарат көлемі 100 шаршы метр, биіктігі 3 метр. Терезелері пластиктен, ортасына күмбез орнатылған. Жергілікті материалдардан салынған. Темір қоршаумен қоршалған.