Көптеген хадистерде адам баласын сауапқа кенелтетін амалдар жайлы жиі айтылады. Солардың арасында адам баласын үмбетінің ішінен даралап тұратын қасиеттерге ие «жақсы жандардың» да сауапқа кенелетінін ардақты пайғамбарымыз (ол кісіге Алланың игілігі мен сәлемі болсын) айырықша атап кеткен екен. Бойынан дара қасиеті мен мұндалап, даралап тұратын ол адамдарға жеке-жеке тоқталайық:
Жәбир ибн Абдулла (ол кісіге Алла разы болсын) жеткізген хадисте: «Мұсылман адам үнемі достық пен келісім іздейді әрі өзі де дос болуға құштар жан. Өзгелермен дос бола алмайтын әрі өзімен де дос болуға келмейтін адамда жақсылық жоқ. Адамдардың жақсысы – өзгелерге пайдалы болғаны»,-делінген. (әд-Дарақутни)
Өзгелерге пайдалы болу саңлақ сахабалар (ол кісілерге Алла разы болсын) арасында да жоғары бағаланған қасиет болатын. Ол кісілер өздері жәрдем берген адамға қарыздармыз деп санайтын, себебі сол адамдарға көмек беру арқылы Алладан сауап алдық дейтін. Ибн Аббас (ол кісіге Алла разы болсын):
Айша анамыздан (ол кісіге Алла разы болсын) жеткен хадисте ардақты елші (ол кісіге Алланың игілігі мен сәлемі болсын):
Сондай-ақ, өзге бір хадисте: «Сендердің иман тұрғысынан ең үстемдерің мінезі жақсы болғандарың және отбасына ең жақсы, ең мейірімді мәміледе болғандарың»,- деген. (Ахмад, Тирмизи)
Адамдармен достасу кейбір хадистерде намаз, тіпті ораза мен садақадан да жоғары орынға қойылған. Өкпесі ұлғайып, достық қатынасы үзілмей тұрып мұсылман бауырымен бірінші болып мәмілеге келген адам ардақты елші атап кеткен «жақсылардың» қатарынан орын алған:
Қиямет күні мүміннің амал таразысында көркем мінезінен ауыр тартатын нәрсе болмайды. Мына өмірде болса көркем мінез жүректерге тыныштық, жанға жайлылық сыйлап және өзіңмен де, өзгелермен де қарым-қатынасымыздың жақсы болуына кепіл.
Сонымен қатар,
Ислам – орта жол. Шынайы иман еткен жан – дүниесі мен ақыретін қатар алып жүретін адам. Дүние, дұрыс пайдалана білген адамға ақыреттің бақытына қауыштырар көлік. Әнас ибн Мәліктен (ол кісіге Алла разы болсын) жеткен хадисте:
Осман ибн Аффан (ол кісіге Алла разы болсын) Алла елшісінің (ол кісіге Алланың игілігі мен сәлемі болсын): «Сендерің жақсыларың – Құранды үйреніп, оны өзгелерге үйреткендерің»,- деп айтқанын жеткізген. (Бұхари)
Құран – бұл өмірде басшымыз, демеуші әрі жүрегіміздің тыныштығы болса, ақыретте – шапағат әрі дәрежемізді көтеруші. Құран аяттарын көп жаттаған адамның жұмақта дәрежесінің аса жоғары болатындығын Абдулла ибн Амр әл-Ас (ол кісіге Алла разы болсын) риуаят еткен хадисте:
Алла Тағала баршамызды Өзінің ардақты елшісі атап кеткен «жақсылардың» барлық сатысынан болмаса да, бірнешеуінен бой көрсетіп, сол қасиеттерімізбен даралануды нәсіп етсін!
Пікірлер (0)
Тіркелген қолданушылар ғана пікір қалдыра алады. Сайтқа кіру