Гиннесс рекордтар кітабының өкілдері Дубайда өткен 30 күндік фитнес-челленджде 15 әлемдік рекордты белгіледі.

Жоғары нәтижелерге қарапайым тұрғындар да, үкіметтік ведомстволар да қол жеткізді, ал полиция 3 әлемдік рекорд жасады.

Рекордтардың басым көпшілігі 2 кезең бойынша өткен Guinness World Records Live Events шарасында орын алған.

Дубайда жасалған бірнеше рекордтардың тізімі төмендегідей: бір команда 100 м дейін сүйреген ең ауыр ұшақ; бір мезгілде берпи жаттығуларын жасаған ең көп мөлшердегі адамдар саны; мүгедек арбасына отырып жарысқандар саны;  30 секунд ішінде ең көп секіру;  бір қолмен 30 түрлі шарды тез сұрыптау және 30 секунд арасында ең көп жасалған аэробтық жаттығулар саны.