Түркия елшісінің діни істер жөніндегі кеңесшісі Нешет Бодур ҚМДБ «Уақып» қорына қарасты елордадағы «Әли Имран» қайырымдылық мекемесінде болды.

Түркия елшісінің кеңесшісі жазғы демалыста қайырымдылық мекемеде діни білім алып жатқан шәкірттер мен Құран жаттап жатқан жас қари балалармен танысты.Мекеменің кітапхана қорына ҚМДБ-мен бірлесіп қазақ тіліне аударылған еңбектерді сыйға берді.

Аталған еңбектер арасында «Құран Кәрім», қазақ тіліне аударылған «Құран Кәрім», «Таухид кітабы», «Хадистер аясында Ислам», «Ислам дегеніміз не?», «Негізгі діни мағлұматтар», «Діни негіздер», тағы басқа кітаптар бар.