Баршамызға белгілі Президентіміз Қасым-Жомарт Тоқаев биылғы 2022 жылды «Балалар жылы» деп жариялаған болатын.
Ақтөбе облысының бас имамы Серікжан Еншібайұлының ұйымдастыруымен облыстық «Нұр Ғасыр» мешітінің ауласында 1 маусым – Халықаралық балаларды қорғау күніне орай мерекелік іс-шара өтті.
Іс-шараға қаланың балдырғандары мен оқушылары қатысты. Мешіт ауласында өткен мерекелік бағдарламада әртүрлі ойындар ойнатылып, жеңімпаздарға бағалы ойыншықтар үлестірілді. 1000 балаға балмұздақ таратылып, кішкентай бүлдіршіндерге батут ойын алаңы қойылды.
Сондай-ақ әртүрлі жануардың киімін киген аниматорлар ойын-сауық көрсетіп, балаларға қуаныш сыйлады. Шара барысында балдырғандар лимузин автокөлігімен қаланың көрікті жерлерін тамашалады. Оқушылар арасында викториналық сұрақ-жауап өткізіліп, дұрыс жауап бергендерге сыйлықтар берілді.
Pіkіrler (0)
Тіркелген қолданушылар ғана пікір қалдыра алады. Сайтқа кіру