Қызылорда облысының бас имамы Болатбек Абуов Сыр имамдарының қатысуымен өткен алқалы жиында осылай үндеу жасады.
Өңірдің бас мешітінде өткізілген жиналыстың күн тәртібіне сәйкес, ҚМДБ-ның негізгі жеті бағыты: «Діни білім және ғылым», «Уағыз насихат және ихсан», «Дін мен дәстүр», «Ақпарат және ағарту», «Қоғаммен байланыс», «Уақып және қайырымдылық» және «Діни оңалту» бағыттарына баса назар аударылып, бекітілген жұмыс жүргізу жоспарының жүйелі атқарылуы тапсырылды.
Сонымен қатар, діни басқарманың кеңейтілген төралқа мәжілісінде Бас мүфти Наурызбай қажы Тағанұлы жасаған бағдарлық баяндамасы аясында, «Ислам – ынтымақ пен бірлік діні» жылына орай қоғам тыныштығын сақтап, ел бірлігін арттыру жолындағы игі жұмыстарды күшейту қажеттігі аталып өтті.
Жиын соңында Болатбек Ұласқанұлы имамдарды дін қызметкері ретінде рухани кемелденген парасатты тұлғаға тән қасиеттермен көпшілікке өнеге болу қажеттігін түсіндіріп, жаһандық өзгерісті жеке бастың өзгерісінен бастауға шақырды.
Pіkіrler (0)
Тіркелген қолданушылар ғана пікір қалдыра алады. Сайтқа кіру