Tań

Kún

Besіn

Ekіntі

Aqsham

Quptan

Шымкент: Намаз үйрену орталығы ашылды

Шымкент қалалық өкілдігінің баспасөз қызметі iman.kz 04.02.2022 1699 0 пікір
Шымкент: Намаз үйрену орталығы ашылды

Шымкент қаласының мешіттерінде «Намаз үйренейік» рухани орталығы ашылды.

Рухани бағытта қолға алынған жобамен Шымкент қаласының бас имамы Бақдәулет Абдрахманов арнайы танысып, жоғары бағасын берді. Дін қызметкерлеріне игі бастаманы әрі қарай жетілдіру туралы нақты міндеттемелер жүктеді.

«Рухани жобада жаңадан намаз үйренуші азаматтарға Әбу Ханифа мәзһабы негізінде толық ақпарат беріліп, намаз үйрену жолдары мен тәріптері тәжірибе түрінде үйретіледі. Бұл бастама азаматтарымызды түрлі кереғар діни ағымдардан сақтандыру мақсатында қолға алынды» дейді наиб имам Мұхамеджан Естеміров.

Айта кетсек, «Намаз үйренейік» рухани орталығы қаладағы барлық мешіт имамдары тарапынан қолдау тауып, жүзеге асырылуда. Намаз үйренушілерге көмекші құрал ретінде ҚМДБ Діни сарапаттамасынан өткен «Намаз үйренейік» кітабы баспадан мол таралыммен шығарылып, талаптанған жамағатқа үлестіріледі.

Pіkіrler (0)

Тіркелген қолданушылар ғана пікір қалдыра алады. Сайтқа кіру