«Мәшһүр Жүсіп» орталық мешітінде ҚМДБ Павлодар облыстық өкілдігіне қарасты қала, аудан имамдарының алқалы жиыны өтті. Жиынға сондай-ақ Орталық мешіт қызметкерлері, «Әбу Бәкір Сыддық» медресе-колледжі, «Мәшһүр Жүсіп қарилар дайындау орталығы» директорлары да қатысты.

Іс-шара Құран аяттарын оқумен басталып, облыс бас имамы Жолдас Қоспақұлы ел тыныштығы үшін дұға жасады. Сондай-ақ бас имам Қазақстан мұсылмандары діни басқармасының 2022 жылға арналған кеңейтілген Төралқа мәжілісінде қабылданған шешімдерді баяндады.

Сонымен қатар жиында ҚМДБ Төрағасы Наурызбай қажы Тағанұлының «Ислам – ынтымақ пен бірлік діні» жылына арналған бағдарлық баяндамасын талқылап, елімізде және облысымызда атқарылатын жылдық жоспарларды таныстырып, тапсырмалар жүктеді.