Бүгін, қасиетті жұма күні ел Тәуелсіздігінің 30 жылдық мерейтойына орай Шымкент қаласында «Әл-Муслим» мешіті қайта жаңартылып, пайдалануға берілді.

Игі іс-шараға ҚМДБ Төрағасының орынбасары, наиб мүфти Кенжеәлі Мырзабаев, Шымкент қаласының бас имамы Бақдәулет Нұрматұлы және дін қызметкерлері қатысты.

Салтанатты рәсім Құран аяттарын оқумен басталса, наиб мүфти қайта жаңартылған мешіт қызметкерлері мен барша жамағатты құттықтап, Бас мүфти Наурызбай қажы Тағанұлының сәлемін жеткізді.  

750 адам еркін құлшылық атқаратын мешіт құрылысының қайта жаңғыруына қаланың Мүтәлі Анарбекұлы бастаған жомарт азаматтары үлес қосты. Құлшылық ордасы дәрісхана, дәретхана және көліктұрағымен қамтылған.