Маңғыстау облысының әкімі Нұрлан Ноғаев өңірдің бас имамы Әнуар Ізімбайұлын қабылдады.

Рухани келісім күніне орайластырылған кездесу барысында Әнуар Ізімбайұлы облыс әкіміне елдімекендердегі діни ахуалды баяндай келе, жергілікті мешіттер тарапынан атқарылып жатқан іс-шаралар және тұрақтылықты қамтамасыз етудегі имамдардың қызметі жайлы айтып берді.

Кездесу соңында бас имам Нұрлан Асқарұлына ҚМДБ-ның Ихсан іліміне ерекше көңіл бөліп, бұл ұстанымды республикалық деңгейде кеңінен насихаттап жатқанын айтып өтіп, Бас мүфти Наурызбай қажы Тағанұлының бастамасымен жарыққа шыққан «Ихсан – рухани тәрбие негізі» кітабын сыйға тартты.