ҚМДБ «Халал Даму» мекемесінің өңірдегі жауапты өкілі Жарасхан Әбдісаламов пен ҚМДБ Әйел-қыздар секторының облыстағы жетекшісі Кенжегүл Кошкарованың ұйымдастыруымен Ақтөбедегі әйелдерге арналған діни сауат ашу орталығында «Адалдан болсын асыңыз» тақырыбында семинар өтті.

Семинарды «Халал Даму» мекемесінің бас сарапшысы, технолог Айжан Омарова жүргізіп, адал ас тұтыну қазіргі қоғамдағы өзекті мәселе екеніне тоқталды. Сондай-ақ технолог адал ас ішудің Исламдағы орны мен жалпы адамның саулығына пайдасына тоқталды.

Одан бөлек Айжан Омарова күнделікті өмірімізде кездесетін тұтыну заттары мен азық-түлікте кездесетін тағамдық қоспалар мен күмәнді әрі харам заттардың ара жігін ажыратып көрсетті.

Шара соңында қыз-келіншектер қойған сұрақтарға жауап берді.