Түркістан қаласында жаңадан салынып жатқан облыстық мешіттің құрылысы үздіксіз жүріп жатыр. Қарқынды жүргізуге жұмыс күші жетіспеуде екен. Жалпы кешен екі жылда салынып бітеді деген жоспар бар. Әзірге ең төменгі қабаты көтерілген. 

Құрылыс жетекшісі облыс имамына сыртқы-ішкі жобалау жұмыстарының кезең-кезеңімен жүзеге асатынын айтты. Сәулетті мешіттің намазханасы 5 мың орындық болады.

Түркістан қаласының бас имамы Мұсабек Ақтамберді ұлттық колоритті ескеруді ұсынды. Құрылыс жетекшісі келісіммен салынатынын жеткізді. Биыл негізгі ғимараттың, келесі жылы қосалқы нысандардың құрылысы жүргізіледі.