Қостанай қалалық «Жайлаубай ата» мешітінде екі айға созылған сауат ашу курсы аяқталды.

Курсқа қатысқан шәкірттер фиқһ, ақида, Құран және тәджуид пәндерінен білім алды. Шәкірттерге наиб имамдар Мейрамбек Жетесов, Нұрлан Сейдағалиев, Бақберсін Ізбасаров, Дархан Қосылбаев оқу барысында тиянақты білім берді.

«Жайлаубай ата» мешітінің бас имамы Шоқан Әмірханов түлектерге сертификаттарды салтанатты түрде табыс етті. Екі айлық сауат ашу курсы барысында шәкірттер мешіт асханасында 3 мезгіл тамақтанды, тегін жататын орынмен қамтамассыз етілді. Енді олар алған білімін ел игілігіне жұмсайды.