ҚМДБ «Зекет» қорының ұйымдастыруымен өтіп жатқан «Өмірге үміт сыйла» акциясы Сайрам ауданында тағы да жалғасын тапты.

Бұған дейін Қарабұлақ ауылдық ауруханасы мен Ақсукенттегі күндізгі станционарға 30-дан астам оттегі баллондары редукторларымен жеткізілген еді. Ал, бүгін аудандық аурухана мен емханаға мешіттер атынан тағы 3,5 млн теңгеге түрлі аппараттар табысталды.

10 «Бобров» оттегі концентраты, 10 оттегі концентраты редукторы, 15 пульсоаксиметр берілді. Шараға қатысқан облыс имамы Мұсабек Ақтамберді игі іске атсалысқан демеушілер мен жанашыр жамағатқа ризашылығын білдірді. Аудан имамы Сейдахмет Темірбектің айтуынша медициналық керек-жарақтар дәрігерлердің өтінішіне қарай сатып алынған.