«Рүстем қажы» мешіті

«Рүстем қажы» мешіті Атбасар ауданы Радионовка ауылында ірге тепкен. Құрылысы 2003 жылы басталып, 2004 жылы пайдалануға берілген. Жобасын Ө.Алшымбаев, Қ.Байзақов, А.Әбдірахмановтар жасады. Құрылысына «Алтын дән» серіктестігі демеушілік етті.

Жерінің аумағы 1440, ғимараттың көлемі 252 шаршы метр. 120 кісіге арналған. Биіктігі 3 метр, төрт бұрышты, сәулет Хорезм мешіттерінің үлгісінде. Мұнда ғибадат залы, имам бөлмесі және кітапхана бар. 6 мұнаралы, әрқайсысының биіктігі 8, екі күмбезді, биіктігі 3,5 метрден. Ауласында жуынатын және саялайтын орындары бар. Аумағы көгалдандырылған.