«Уали» мешіті

«Уали» мешіті Жақсы ауданы Жақсы аулында орналасқан. Құрылысы 2008 жылы басталып, 2010 жылы шілде айында ТОО «Агрофирма TNK»-ның директоры Уалиев Батырбектің демеушілігімен салынып біткен соң, халықтың пайдалануына берілді.

Жер аумағы 1800 шаршы метр, ал ғимараттың жалпы көлемі 311 шаршы метр. 200 кісі намаз оқи алады. Алла үйі 2 қабатты, сырты қызыл-қоңыр кірпішпен қапталған. Іші соңғы заманауи құралдармен жабдықталған, қабырғалары Құран аяттары және ою-өрнекпен нақышталған. Алла үйінде неке залы, дәрісхана, қызметкерлер бөлмесі және имам бөлмелері бар. Мешіт 1 үлкен, 2 кішкене күмбезді, мұнарасының биіктігі 23,9 метр. Мешіт ауласы көгалдандырып, темір шарбақпен қоршалған.