«Есіл мешіті»

«Есіл мешіті» Есіл ауданы Есіл қаласында салынған. Іргетасы 2008 жылы «Наргиз» ЖШС директоры Нұрлан Төлеулов пен «Шаңырақ» ЖШС директоры Уәли Рахметұлының демеушілігімен қаланып, 2010 жылы қарашада халыққа пайдалануға берілді.

Жерінің көлемі 15 сотық. Ғимараттың ауданы 3180 шаршы метр, 500 кісі намаз оқи алады. Бір қабатты, ерлерге арналған екі залы, әйелдер намаз оқитын бір залы, имамға арналған бөлмесі мен кітапханасы бар. Хорезм үлгісінде салынған, ішкі қабырғаларына қасиетті Құран аяттары жазылып және ұлттық ою-өрнектермен нақышталған. 3 күмбезді. Үлкен күмбезінің шеңбері 6 метр, ал екі күмбездің шеңбері 3 метрден. Бір мұнаралы, биіктігі 18 метр. Ауласына ағаш отырғызылып, көгалдандырылған. Сырты темір қоршаумен қоршалған.