«Бөгенбай батыр» мешіті

«Бөгенбай батыр» мешіті Целиноград ауданы Қосшы ауылында 2001 жылы Қайрат Сатыбалдының демеушілігімен салынған.

Жерінің аумағы 3570 шаршы метр. Ғимарат көлемі 280 шаршы метр. 200 кісіге арналған. Биіктігі 10 метр. Ғибадатхана екі қабатты. Біріншісі намаз бен Құран оқитын бөлмеден, екіншісі әйелдер намаз оқитын орын, имамның бөлмелерінен тұрады. Бөлмелер қасиетті Құран аяттарымен нақышталған. Мұнарасының биіктігі 22 метр, күмбезінің биіктігі 13 метр, сырты қоршалған.