Жүктеу

Бүгінгі күннің мұсылмандары Шариғат мақұлдаған істерді қабылдау мәселесінде шектен шыққандары соншалық, біреулері оларды «тыйым салынған жаңалық» деп есептесе, екіншілері оларды парыз дәрежесіне дейін көтеріп,оларға амал етпеу – күнә деп санайды, және бұл мәселеде отандық мұсылмандар да шетте қалмады. Осы екі көзқарастың түп-тамыры кәдімгі қарапайым надандықтан тарайды, ал аталған екі топ та сөгіске лайық, себебі ең дұрыс шешім, әдеттегідей – ортада жатыр. Рамазан айында талқыға көп түсетін мәселелердің бірі – тарауық намазында ракағаттар арасында оқылатын "тарауық-тасбихтің", яғни Алланы зікір етіп, мадақтау сөздердің оқылуы. Біздің өңірімізде тарауық тасбихінің белгілі бір түрі қалыптасқан, және ол Шариғатқа қайшы емес, керісінше, парыз деңгейіне көтермеген жағдайда, оның мақсаттарына сай келеді.