«Нұр-Мүбарак» Египет ислам мәдениеті университетінің 25 жылдық мерейтойына арналған салтанатты кеште Қазақстан мұсылмандары діни басқармасының Төрағасы, Бас мүфти Наурызбай қажы Тағанұлы оқу орнының дамуына үлес қосқан азаматтарға марапат табыстады.

Алматы қаласында өткен «Білім, серіктестік және ықпалдылықтың жиырма бес жылы» атты мерейтойлық шарада университеттің қалыптасуы мен өркендеуіне еңбек сіңірген профессор-оқытушылардың, қызметкерлердің, ардагерлер мен серіктестердің еңбегі құрметке бөленді.

Бас мүфти марапат иелеріне ізгі тілегін білдіріп, алдағы қызметтеріне табыс тіледі.