Бүгін ҚМДБ діни ақпарат беру орталығында «Рамазанның соңғы түндері» тақырыбына арналған тікелей эфир өтті.

«Call орталықтағы сұрақ-жауап» жобасының бүгінгі қонағы ҚМДБ Шариғат және пәтуа бөлімінің маманы Медет Құрмашұлы Рамазанның Қадір түні жасырылған маңызды күндері мен түндері жайлы насихат айтып, иғтикаф, тарауық намазы және өзге де оразаға қатысты сұрақтарға жауап берді.

Қасиетті Рамазан айының үшінші жұмасында ұйымдастырылған эфир барысында @muftiyatkz инстапарақшасының оқырмандары Call орталықтың 87172333030 нөміріне хабарласып, сауалдарына тұшымды жауап алды.