Қарағанды қалалық «Төлеутай ата» мешітінің ұйымдастыруымен «Алмаз» мейрамханасының әкімшілігіне «Ас беру мәдениеті» құжаты таныстырылды.

Кездесуде мешіт имамы Рауан Төлеубекұлы «Құдайы ас – жарыс емес, сауап» тақырыбында насихат айтып, ас беру рәсімінің діни және тәрбиелік мәнін түсіндірді. Сондай-ақ құдайы асты ысырапқа жол бермей, қарапайымдылықты сақтап, ізгі ниетпен өткізудің маңызына тоқталды.

Жиын барысында құжаттың негізгі ұсынымдары түсіндіріліп, ас беру кезінде діни және ұлттық құндылықтарды сақтау мәселелері сөз болды.