Бүгін Мемлекет басшысы Қасым-Жомарт Тоқаевтың бастамасымен қолға алынған республикалық «Таза Қазақстан» акциясы аясында Шымкент қаласы Абай ауданындағы «Кенесары хан» мешітінің ұйымдастыруымен тазалық шарасы өтті.

Игі шараға Шымкент қаласының Бас имамы Бақдәулет Нұрматұлы, Абай ауданының Бас имамы Мұхамеджан Естеміров бастаған аудан имамдары мен мешіт жамағаты қатысты.

Шара барысында тазалық сақтау, мәдениеттілік, қоршаған ортаны қорғау және жастарға тәлім-тәрбие беру мәселелері бойынша түсіндіру жұмыстары жүргізілді.

Тазалық жұмыстарына Абай ауданына қарасты 30 мешіттің имамдары мен еріктілері атсалысты.

Сонымен қатар шара барысында жергілікті «Отырар» телеарнасы, «Оңтүстік» телеарнасы және «Шымкент келбеті» газетінің тілшілеріне сұхбат берілді.