Нұр-Мүбарак мешітінде дәстүрге айналған «Ғажап Рамазан» сайысы жоғары деңгейде ұйымдастырылып, өз мәресіне жетті. Қасиетті ай бойы жалғасқан рухани дода қорытындыланып, жеңімпаздар марапатталды.

Аталған сайыс – еңбектеген баладан еңкейген қарияға дейін қатысуға мүмкіндік беретін ауқымды жоба. Осыған орай жеңімпаздар түрлі бағыттар мен санаттар бойынша анықталды. Соның бірі – Нұр-Мүбарак университетінің студенттеріне арналған арнайы байқау.

Аталған номинация жеңімпаздарын Нұр-Мүбарак университетінің ректоры Ахмад Хусейн Мұхаммад Ибраһим мен проректор Ершат Ағыбайұлы арнайы марапаттап, жастарға жүрекжарды тілектерін жеткізді.

Студенттер арасындағы жеңімпаздар:

• І орын – Малайзия еліне жолдама
  Мағауия Айқын (1-курс, Исламтану, ЖИМ)

• ІІ орын – Индонезия еліне жолдама
  Оразымбетов Алмат (2-курс, Исламтану, Алиф)

• ІІІ орын – Түркия еліне жолдама
  Мақтабек Мағжан (1-курс, Исламтану, Алиф)

Сонымен қатар, сайыс республикалық деңгейде ұйымдастырылғандықтан, еліміздің әр өңірінен келген қатысушылар арасынан да үздіктер анықталды.

14 жастан асқан ұлдар санаты бойынша:
Берік Шаяхметов (Ақтөбе қаласы) – 500 000 теңге

14 жастан асқан қыздар санаты бойынша:
Сағатова Гүлжаухар – 500 000 теңге

14 жасқа дейінгі балалар санаты бойынша:
Еркін Ержанұлы (Шымкент қаласы) – 300 000 теңге

Бұл игі шара Рамазан айының рухани мәнін терең ұғындырып, қатысушыларды жақсылыққа, сабыр мен тақуалыққа тәрбиелеуге бағытталған маңызды жоба болды.