Қазақстан мұсылмандары діни басқармасы жариялаған «Ислам және адал қоғам» жылы аясында Аймағанбет қажы Спанұлы мешітінде жамағатқа арналған «Бас имам сағаты» ұйымдастырылды.

Кездесу барысында Қостанай облысының Бас имамы Бектұрсын Торғайбайұлы «Мешітке жанашыр болу» тақырыбында уағыз айтып, мешіттің қоғамдағы рухани орны мен маңызына тоқталды.

Сондай-ақ жамағатты мешіт тазалығына, тәртібіне мән беріп, тұрақты намаз оқуға және ізгі амалдарға ұмтылуға шақырды. Шара соңында ел амандығы мен бірлігі үшін дұға жасалды.