Атырау облысы Ішкі саясат басқармасы мен облыстық Жастар ресурстық орталығының ұйымдастыруымен ақиық ақын Мұқағали Мақатаевтың 95 жылдығына орай облыстық көркем сөз оқу байқауы өтті.

Аталған байқауда Иманғали орталық мешітінің баспасөз қызметкері, «Мұнара» телеарнасының өңірдегі тілшісі Нұркен Мағриденұлы жоғары шеберлігімен ерекшеленіп, бас жүлдені жеңіп алды.

Байқаудың негізгі мақсаты – Мұқағали Мақатаевтың бай әдеби мұрасын кеңінен насихаттау, жастар арасында көркем сөз оқу мәдениетін дамыту және ұлттық рухты нығайту.