«Қызылжар» қалалық мешітінде «Әйел-қыздар» секторының ұйымдастыруымен «Пайғамбарға салауат айт» атты сайыстың қорытынды кеші өтті.

Рухани кеш барысында сайыста үздік нәтиже көрсеткен қатысушылар марапатталып, жамағатқа арнап танымдық әрі қызықты ойындар ұйымдастырылды. Сондай-ақ, тағылымды уағыз-насихат айтылып, қасиетті Рамазан айында оразаны дұрыс ұстау, одан сақтану қажет болатын амалдар жөнінде пайдалы кеңестер берілді.

Жүректерге иман нұрын ұялатқан, рухани әсерге толы кеш жиналған жамағатқа ерекше әсер сыйлады. Іс-шараға қатысқан барша қауымға Алла Тағала разы болсын.