Қазақстан мұсылмандары діни басқармасының Қостанай облысындағы өкілдігінде Бас имам Бектұрсын Уәлиевтің төрағалығымен өңірдегі қала және аудан имамдарының жылдық есебі тыңдалды.

Онда олар діни басқарма бекіткен Шариғат және пәтуа, уағыз-насихат, дін мен дәстүр, діни оңалту, оқу-ағарту, зекет және қайырымдылық бағыттары бойынша тапсырмалардың орындалу барысы жөнінде есеп берді.

Бектұрсын Торғайбайұлы әріптестерінің жыл бойы атқарған жұмыстарына жан-жақты тоқталды. Өзге де өзекті мәселелер бойынша атқарылған істер назардан тыс қалған жоқ. Жиын барысында жеті имам үздік деп танылды. Сондай-ақ үздік атанған имамдарға және өзге де дін қызметкерлері мен бөлім басшыларына жұмысқа деген ынтасын арттыру мақсатында қаржылай сыйақылар берілді.