ҚМДБ-ның жылдық жоспарына сәйкес Қарағанды облыстық «Әнет баба» мешітінде «Ажырасу – Алла сүймейтін іс» атты қыз-келіншектерге арналған тағылымды семинар ұйымдастырылды.

«Ислам және отбасы құндылығы» жылы аясында өткен игі шараны ҚМДБ-ның Қарағанды облысы бойынша «Әйел-қыздар» секторының жетекшісі Әйгерім Берікболқызы ұйымдастырды.

Семинардың мақсаты – отбасылық құндылықтарды насихаттау, ажырасудың алдын алу, қыз-келіншектерге діни әрі психологиялық бағытта дұрыс түсінік қалыптастыру болды.

Жиынға Қарағанды облыстық «Әнет баба» мешітінің наиб имамы Құмар Қоныскерей қатысып, отбасының Исламдағы орны, ерлі-зайыптылардың өзара жауапкершілігі мен сыйластығы туралы уағыз-насихат айтты.

Шара барысында қатысушылар көкейлеріндегі сұрақтарын қойып, отбасы берекесін сақтау, татулықты нығайту бағытында пікір алмасып, рухани-танымдық ойларымен бөлісті.

Жиын соңында Құран оқылып, ата-баба рухына дұға бағышталды.