Шығыс Қазақстан облысында өңір имамдарына арналған семинар ұйымдастырылды. Басқосуға аудан-қалалардан имамдар қатысып, діни қызметтің негізгі бағыттары талқыланды.

Семинарды ҚМДБ-ның ШҚО бойынша Бас имамы Думан Нәдірұлы жүргізіп, рухани бірлікті нығайту, жамағатпен байланыс орнату, жастарды дұрыс діни түсінікке тәрбиелеу мәселелеріне тоқталды. Сондай-ақ имамдардың қоғам өмірінде белсенді болуы, білімін жетілдіруі және әлеуметтік жобаларға атсалысуы маңызды екені атап өтілді.

Жиын барысында ауылдық жерлердегі діни-ағартушылық жұмыс, мешіттердің әлеуметтік рөлі және жат ағымдардың алдын алу тақырыптары қаралды. Қатысушылар тәжірибе алмасып, ұсыныстарын ортаға салды.