Қызылорда облысында ҚМДБ «Зекет және қайырымдылық» қорының ұйымдастыруымен «Мектепке жол» республикалық қайырымдылық акциясы басталды.

Облыстық «Ақмешіт-Сырдария» орталық мешітінде өткен шарада 500 оқушыға оқу құралдары салынған сөмкелер табыс етілді. Ізгі бастамаға Сыр өңірінің Бас имамы Дастан Жанасұлы қатысып, бүлдіршіндерді жаңа оқу жылымен құттықтады.

Игі іске өңірдегі бірнеше кәсіпкерлік нысандары мен жеке кәсіпкерлер демеушілік жасады.

Айта кетейік, аталмыш қайырымдылық шарасы облыстың аудан және ауыл мешіттерінде де жалғасын табады.