Солтүстік Қазақстан облысындағы дін қызметкерлері кәсіби шеберліктерін арттыру мақсатында арнайы оқыту курстарына қатысуда. Аталған курс Қазақстан мұсылмандары діни басқармасының бастамасымен, облыстық «Қызылжар» орталық мешітінің ұйымдастыруымен өткізіліп отыр.

Оқыту бағдарламасы ҚМДБ-ның Оқу-ағарту бөлімінің бекітуімен жүзеге асырылуда. Курстың басты мақсаты – имамдардың діни білімін тереңдету, біліктілігін жетілдіру және қоғамдағы абырой-беделін арттыру.

Аталған курстарға өңірдегі мешіттерден 80-ге жуық имам қатысып жатыр. Айта кетейік, С-санатындағы имамдардан құралған алғашқы топ оқу кезеңін сәтті аяқтады.

Білімін жетілдірген дін қызметкерлеріне арнайы сертификаттар табысталды.