ҚМДБ Ақтөбе облысы өкілдігінде Бас мүфти Наурызбай қажы Тағанұлының жылдық жоспарына сәйкес «Жастар ісі» секторының бастамасымен алғаш рет «Ruhani camp» жастар лагері ұйымдастырылды.

Табиғат аясында өткен рухани-мәдени шараға еліміздің танымал дін қызметкерлері арнайы қатысып, жастарға тағылымды уағыз-насихат айтты. Атап айтқанда, Алматы облысының бас имамы Мадияр Пірімқұлов пен Ақтөбе облысының бас имамы Амантай Садиев жастармен жүздесіп, тәрбиелік бағыттағы сұхбаттар өткізді.

«Ruhani camp» — жастардың рухани тәрбиесі мен болашаққа деген сенімін нығайтатын, бірлік пен имандылықты насихаттайтын маңызды жоба болды.