Атырау облысында «Ислам және отбасы құндылығы жылы» аясындағы маңызды шаралардың бірі – облыстық білім сайысы Мақат ауданында өтті. «Дін мен дәстүр» тақырыбында ұйымдастырылған зияткерлік сайысқа облыстың әр ауданынан келген мешіт жамағатынан құралған 9 команда қатысты.

Шараның негізгі мақсаты – халықтың діни сауатын арттырып, ұлттық құндылықтар мен ислам дінінің үйлесімділігін насихаттау. Сайыс сұрақтары ҚМДБ бекіткен «Дін мен дәстүр» кітабының I, II, III томдары негізінде әзірленді.

Нәтижесінде 1-орынды Мақат ауданы, 2-орынды Атырау қаласы, ал 3-орынды Қызылқоға ауданы иеленді. Сайыс Атырау облысы өкілдігі мен Мақат аудандық жастар ресурстық орталығының ұйымдастыруымен өтті. Шара соңында жеңімпаз командаларға алғыс хаттар мен естелік сыйлықтар табысталды.