Қазақстан мұсылмандары діни басқармасының Батыс Қазақстан облысы бойынша бас имамы Самат Қанатқалиұлының бастамасымен, демеушілердің қолдауымен Орал қаласындағы «Ар-Рахман» мешітінің шаруашылық қызметкері Қади Жидебайұлына үлкен қажылыққа жолдама табысталды.

Көп жылдан бері мешіт жұмысына адал қызмет етіп келе жатқан Қади ағайдың қажылық сапары — мешіт ұжымы мен жамағат үшін үлкен қуаныш.

Айта кетейік, қажылық — мұсылман өміріндегі маңызды құлшылықтардың бірі. Бұл — рухани тазару мен тәубеге келудің ерекше мүмкіндігі.