Қазақстан мұсылмандары діни басқармасының Астана қаласы өкілдігіне қарасты мешіттерде сенбілік іс-шарасы ұйымдастырылды.

Шара барысында мешіт аулалары тазартылып, ағаш көшеттері отырғызылды. Мешіт қызметкерлері мен жамағат белсенділік танытып, қоқыс жинап, ағаш түптерін әктеді.

Айта кетейік, Пайғамбарымыз (оған Алланың салауаты мен сәлемі болсын): «Алла Тағала – таза, тазаланғандарды жақсы көреді» деген. Сонымен қатар, қоршаған ортаны ластамауға, керісінше оны көркейтуге шақырған.

Осындай игі амал арқылы жамағат тазалық пен көркем мінезге үн қосып, айналаны көріктендіруге үлес қосты.