Шығыс Қазақстан облысының Бас имамы Думан Нәдірұлы жұмыс сапары барысында Ұлан ауданының әкімі Арман Бекбосыновпен кездесіп, діни ахуал мен мешіттердегі жұмыстарды талқылады.

Кездесуде жастардың рухани тәрбиесі, дін қызметкерлерінің әлеуметтік жағдайы және қайырымдылық шараларын ұйымдастыру мәселелері қозғалды. Думан Нәдірұлы діни сауаттылықты арттыру мен қоғамдық тұрақтылықты сақтау бағытындағы ҚМДБ бастамалары туралы баяндады.

Өз кезегінде аудан әкімі діни бірлестіктермен ынтымақтастықты нығайту маңызды екенін атап өтіп, өкілдік жұмыстарына қолдау көрсетілетінін жеткізді. Тараптар болашақта ортақ мақсаттар аясында бірлесіп жұмыс істеуге уағдаласты.