ҚМДБ Төрағасы, Бас мүфти Наурызбай қажы Тағанұлының «Ислам дағуатының негіздері мен әдістері» кітабы негізінде Алматыдағы «Әбу Ханифа» медресе-колледжінде білім жарысы ұйымдастырылды.

Аталмыш жарыс шәкірттердің діни білімін тереңдету, Ислам дағуатының мәні мен маңызын ұғындыру, сондай-ақ дұрыс әдістерін меңгеруге бағытталды. Сайыс барысында қатысушылар кітаптағы негізгі ұстанымдар мен әдістерді жан-жақты талқылап, өз білімдерін сынға салды.

Жарыс қорытындысы бойынша үздік нәтижеге қол жеткізген шәкірттер марапатталып, бағалы сыйлықтармен ынталандырылды. Ұйымдастырушылар мұндай білім жарыстары алдағы уақытта да жалғасатынын жеткізді.

Бұл іс-шара шәкірттердің діни сауатын арттырумен қатар, олардың Ислам құндылықтарын дұрыс түсініп, қоғамға өнеге болуына ықпал етеді.