Абай облысының бас имамы Асқар Әбітайұлының төрағалығымен Рамазан айына орай алқалы жиын өтті.

Шалғай аудан имамдары жиналысқа онлайн форматта қатысты. Басқосуда оразаға арналған күн тәртібі талқыланып, қала-аудан имамдарына арнайы тапсырмалар берілді. 

Асқар Әбітайұлы Рамазан айында ҚМДБ бастамасымен мешіттерде әртүрлі іс-шаралар атқарылатынын жеткізді. Оның ішінде тарауық намаздары, Құран-хатым  оқу, ауызашарлар ұйымдастыру, сонымен қатар, ҚМДБ-ның 35 жылдығына орай 35000 адамға қайырымдылық жасау, тал егу акциясы, тегін қоғамдық көлік акциясы сынды шаралар өткізу жоспарланып отырғандығын атап өтті.