Өткен аптада қасиетті жұма күні Жетісу облысы Ескелді аудандық орталық мешітінде үздік қызметі үшін ауыл имамдарына кіші қажылыққа жолдама табысталды.

Жетісу облысының бас имамы Керімбек Сәрсембайұлының ұйытқы болуымен Ескелді ауданына қарасты ауыл мешіттерінің имамдары Ерқанат Дәркембаев пен Диас Сүйінбай, сондай-ақ аудандық мешіттің жамағаты әрі Құран жаттаған қариға «Tawaf Travel» қажылық компаниясы арқылы ұмраға бару бұйырып отыр. Алла Тағала осы игі іске ұйытқы болған азаматтарға разы болып, жолдама алған дін қызметкерлері мен мешіт жамағатының ниетін қабыл еткей!