Қазақстан мұсылмандары діни басқармасының төрағасы, Бас мүфти Наурызбай қажы Тағанұлының тапсырмасы аясында Түркістан облысының имамдары аттестациядан өтті.

Дін қызметкерлерінің білімін сынақтан өткізу іс-шарасына Бас мүфти Кеңесшісі Кенжетай Дүйсенбай, ҚМДБ Діни білім және кадр даярлау бөлімінің меңгерушісі Хасан Ташайұлы, Шариғат және пәтуа бөлімінің маманы Бауыржан Әбдуәлі қатысты.

Іс-шара барысында Бас мүфти кеңесшісі Кенжетай Байкемелұлы имамдарға аттестацияны өткізудің мақсаты мен міндеттері, ережелері мен тәртібі жайлы жан-жақты түсіндірді.

Айта кетсек, аттестация мақсаты – аймақтағы дін қызметкерлерінің білімі мен қабілетін айқындау. Электронды тест сұрақтарында ақида, фиқһ, заң, ҚМДБ құрылымына, қабылданған құжаттарға қатысты сауалдар енгізілген. Имамдар бұған қоса ауызша емтиханнан өтті.