Қарағанды облысында Жақып Ақбай атындағы Теміртау қалалық мешітінің жанынан халал асхана ашылды.

Мешіт жамағатына арналған тамақтану орны келушілерге барлық қажетті тағамдар мәзірін ұсынады.⠀
⠀
Қасиетті рамазан айында Теміртау жамағаты үшін осындай сүйінші жаңалық болып отыр. Енді мешітке келген жамағат құлшылығын орындап болып, адал астан дәм тату арқылы өзіне де, мешітке де пайдасын тигізе алады. Себебі, асханадан түскен қаржы толықтай мешіт құрылысы мен оның басқа да қажетті дүниелері үшін жұмсалады.