Орал  орталық мешітінің бас имамы Мұратбек Қыстаубаев облыстық «ТДК-42» телеарнасының «Ашық әңгіме» тікелей бағдарламасының арнайы қонағы болып, сұхбат берді.   

Облыс имамы Мұратбек Мұхтарханұлы сұхбатында ҚМДБ Төрағасы, Бас мүфти Наурызбай қажы Тағанұлының арнайы сәлемін айтып, Ақжайық жұртын мұхаррам айымен құттықтады. Ақжайық өңірінде атқарылып жатқан діни ахуалды баяндап, қайырымдылық, жат ағымдармен жұмыс, оқу-ағарту тақырыбы аясында сөз өрбіді.

Журналист Айдос Мәлікұлы мен көрермендердің толғандырған сауалдарына бас имам толықтай жауап берді.