Павлодар облыстық «Мәшһүр Жүсіп» мешітінің Жастар ісі секторы ұйымдастыруымен волейболдан турнир өтті.

Жарыс Қазақстан мұсылмандары діни басқармасының құрылғанына 30 жылдығына арналды. Турнирге қалалық мешіттер жамағатынан құралған 7 команда қатысты.

Командалар арасындағы тартысты сайыста «Әбу Бәкір Сыддық» мешітінің командасы 1-орын, «Омар әл-Фаруқ» мешіті жамағаты 2-орын, ал қалалық «Ғазиз» мешітінің жамағаты 3-орынды жеңіп алды. Павлодар облыстық «Мәшһүр Жүсіп» мешітінің Жастар ісі секторының меңгерушісі Біржан Бахытұлы жеңімпаздарды арнайы дипломдармен марапаттады.