Жастар ресурстық орталығының ұйымдастыруымен Мұғалжар гуманитарлық-техникалық колледжінде аудандық «Нұртай» мешітінің бас имамы Әсемхан Ергазиннің «Дін және жастар» тақырыбында кездесуі өтті. Студенттермен жүздесудің негізгі мақсаты: қазіргі жастардың арасында діни сауаттылықты арттыру және қазақ халқының төл салт-дәстүрі мен асыл дініміздің өзара сабақтастығын түсіндіру болды.

Әсемхан Бақтиярұлы, ең алдымен, ата-анамен, ұстазбен және қоғаммен өзара қарым-қатынасы болуының маңыздылығын айтып, осы байланыстардың берік болуының шарттарын түсіндірді. Сонымен бірге оқушыларға ата-ана мен ұстаздың айтқанын тыңдау парыз екенін, ал тиянақты білім жарқын болашаққа бастайтынын тілге тиек етті.

Сондай-ақ, дін өкілі жат ағымдардан, ғаламтордағы алданыш ақпараттан қорғайтын бірден-бір иммунитет те – осы білім екенін атап айтты.